क्यान नुवाकोटको अध्यक्षमा घले

नुवाकोट । कम्प्युटर एशोसिएसन अफ नेपाल (क्यान) नुवाकोटको अध्यक्षमा नारायण कुमार घले निर्वाचित भएका छन् ।

शनिवार बट्टारमा भएको संघको पाँचौ साधारणसभा तथा तेस्रो अधिबेशनले घलेको नेतृत्वमा ७ सदस्यीय कार्यसमिति निर्विरोध निर्वाचित गरेको हो ।

संघको उपाध्यक्षमा तारा रिमाल नेपाल, सचिवमा सुनिल श्रेष्ठ, सह–सचिवमा विशाल सापकोटा र कोषाध्यक्षमा अजय नगरकोटी निर्वाचित भएका छन् ।

यस्तै सदस्यहरुमा हेमन्त राज घिमिरे र रामकृष्ण देवकोटा निर्वाचित भएका छन् ।

कार्यक्रममा क्यानका केन्द्रिय महासचिव चिरन्जिवस् अधिकारी, सचिव शेखरनाथ दुलाल लगाएको उपस्थिति रहेको थियो ।

कम्प्युटर एशोसिएसन अफ नेपाल (क्यान) कम्प्युटर सम्बन्धि व्यावसाय गर्ने व्यक्ति तथा संस्थाहरूको साझा संस्था रुपमा रहदै आएको छ ।