धादिङमा बोलेरोको ठक्करबाट एक विद्यार्थीको मृत्यु

नुवाकोट । धादिङमा बोलेरोको ठक्करबाट एक विद्यार्थीको मृत्यु भएको छ ।

धादिङको बेनीघाट रोराङ गाउँपालिका वडा नम्बर ३ डार्केफाटमा बोलेरोले पैदलयात्रुलाई ठक्कर दिँदा एक जनाको ज्यान गएको हो । ताल्तिबाट मलेखु जाँदै गरेको बा २०च १९९९ नम्बरको बोलेरोले ठक्कर दिँदा बेनीघाट २ की १९ वर्षिय अनिशा मिजारको मृत्यु भएको जिल्ला प्रहरी कार्यालय धादिङका प्रहरी निरीक्षक एवम् सूचना अधिकारी प्रल्हाद सिलवालले जानकारी दिए ।

मृतक बागेश्वरी मावि रिचाकटारमा अध्यायनरत विद्यार्थी हुन् । दुर्घटनामा २६ वर्षिय प्रशंसा मिजार घाइते भएकी छिन् ।

चालक गोपी बहादुर ठकुरी र बोलेरो प्रहरीको नियन्त्रणमा रहेको उनले जानकारी दिए ।