बट्टारमा सुर्यशक्ति ईभी चार्जिङ स्टेसन खुल्यो

नुवाकोट । नुवाकोटको विदुर ४ बट्टारमा सुर्यशक्ति ईभी चार्जिङ स्टेसनको आज उद्घाटन गरिएको छ ।

चार्जिङ स्टेसनको नुवाकोट उद्योग वाणिज्य संघका अध्यक्ष राजेन्द्र श्रेष्ठले उद्घाटन गरेका हुन् । नुवाकोटमा पहिलोपटक व्यक्तिगत लगानीमा निजि क्षेत्रबाट चार्जिङ स्टेसन निर्माण गरिएको हो । बट्टारका व्यवसायी शैलेन्द्रकुमार श्रेष्ठले चार्जिङ स्टेसन निर्माण गरेका हुन् ।

चार्जिङ स्टेसनको उद्घाटन गर्दै नुवाकोट उद्योग वाणिज्य संघका अध्यक्ष राजेन्द्र श्रेष्ठले जिल्लामा निजि क्षेत्रबाट चार्जिङ स्टेसन खुल्नु आफैमा सुखद रहेको बताए । उनले सरकारको नितिलाई व्यवसायीहरुले साथ दिँदै आएकोले सरोकारवाला निकायले निजि क्षेत्रलाई प्रोत्साहन गर्नुपर्ने बताए ।

यस्तै संचालक शैलेन्द्रकुमार श्रेष्ठले पैसाको लागि भन्दा पनि सबैलाई सुविधा दिने हेतुलेृ चार्जिङ स्टेसन निर्माण गरिएको बताए ।

चार्जिङ स्टेसनमा विद्युतीय कार र विद्युतीय भ्यान दुबै चार्ज गर्न मिल्ने व्यवस्था मिलाइएको छ ।