दोस्रो सुर्यगढी वडास्तरीय दशैँ कप फुटवल प्रतियोगिता सम्पन्न

नुवाकोट । नुवाकोटको सुर्यगढी गाउँपालिकामा दोस्रो सुर्यगढी वडास्तरीय दशैँ कप फुटवल प्रतियोगिता सम्पन्न भएको छ ।
सुर्यगढी नव युवा क्लबको आयोजनामा भएको प्रतियोगिताको उपाधि घरेलु टोली सुर्यगढी नव युवा क्लबको ए टिमले हात पारेको हो । फाईनलमा आमभन्ज्याङ युवा क्लबलाई २–० गोलको अन्तले पराजित गर्दै आयोजक टोलीले उपाधीमाथि कब्जा जमाएको हो ।
प्रतियोगिताको विजेता बनेको सुर्यगढी नवले नगद ६० हजार रुपैयाँको साथै मेडल, ट्रफी र प्रमाणपत्र हात पार्न सफल भयो । यस्तै दोस्रो भएको आम भन्ज्याङ युवा क्लबले ३० हजार रुपैयाँसहित ट्रफी, मेडल र प्रमाणपत्र हात पा¥र्यो ।
फाईनल खेलमा गोल गरेका सुर्यगढी नव युवा क्लबका रामराजा श्रेष्ठ उत्कृष्ट गोलकर्ता घोषित भए । यस्तै सुर्यगढी नव युवा क्लबकै राजु तामाङ उत्कृष्ट खेलाडी भए भने प्रल्हाद तामाङ उत्कृष्ट गोलकिपर बनेका थिए ।
यसअघि प्रतियोगिताको उद्घाटन सुर्यगढी गाउँपालिकाका अध्यक्ष सन्तबहादुर घले गरेका थिए ।
प्रतियोगिताको समापन कार्यक्रममा बाग्मती प्रदेश फुटबल संघका सदस्य एबम नुवाकोट युनाइटेड फुटबल क्लबका अध्यक्ष राम कुमार कोइराला, सुर्यगढी ३ का वडाध्यक्ष पिङल बहादुर थापामगर ,सुर्यगढी २ का वडाध्यक्ष दिपक अधिकारी लगायतको उपस्थिति रहेको थियो ।
- १ सरकारको स्वास्थ्य बीमाः ३५ सय तिर्दा वार्षिक १ लाखको सेवा
- २ नुवाकोटका सन्तोष उप्रेति होटल व्यवसायी महासंघको उपाध्यक्षमा निर्वाचित
- ३ सीमा नाकामा भिडन्त, एक सशस्त्र प्रहरी र आठ भारतीय व्यापारी घाइते
- ४ नुवाकोट आदर्श बहुमुखी क्याम्पसको निमित्त प्रमुखमा भोलाप्रसाद पाण्डे
- ५ चिसो बढ्यो, उच्च हिमाली भू-भागमा हल्का हिमपातको सम्भावना
प्रतिक्रिया