जेष्ठ नागरिकलाई घरघरमा पुगेर बृद्धभत्ता बाँड्दै विदुर नगरपालिका, घरमै भत्ता पाएपछि जेष्ठ नागरिक दंङ्ग

नुवाकोट असोज २२, प्रभु बैक बट्टार शाखाले आज नुवाकोटको बिदुर नगरपालिका स्थित चैनपुरमा भएका जेष्ठ नागरिकहरुलाई सामाजिक सुरक्षा भत्ता गाउमा नै पुगेर बितरण गरेको छ ।

सामाजिक सुरक्षा भत्ता बापत जेष्ठ नागरिकहरुले महिनाको २ हजार रुपैयाको दरले प्राप्त गर्ने रकम एकमुष्ट ४ महिनाको जम्मा गरी ८ हजार रुपैया जेष्ट नागरिकहरुको हातहात पुर्याउने अभियानमा बिदुर नगरपालिका भित्र प्रभु बैँक सक्रिय हुँदै आईरहेको छ ।सामाजिक सुरक्षा भत्ता रकम हस्तान्तरण कार्यक्रममा बिदुर नगरपालिकाका मेयर सञ्जु पण्डितले प्रभु बैकको बृद्धबृद्धाहरुलाई घरमा नै सामाजिक सुरक्षा भत्ता बितरण गर्ने अभियानको प्रशंसा गर्नुभएको छ । 

यस्तै, बिदुर नगरपालिकाका उपमेयर गीता दाहालले प्रभु बैक मार्फत सुरक्षित तरिकाबाट जेष्ठ नागरिकहरुलाई घरदैलोमा ने रकम उपलब्ध गराउने कार्य उत्कृष्ठ रहेको बताउनुभएको छ । उहाँले आगमी दिनमा जेष्ठ नागरिकहरुको आबश्यकतालाई ध्यानमा राखेर भत्ता बढाउन आफुहरुको भूमिका सकारात्मक हुने समेत बताउनुभएको छ ।

यस्तै, प्रभु बैकका ब्यबस्थापक दिपक सिम्खडाले बिदुर नगरापलिका सहकार्यमा नगरपालिका भित्र रहेका ३, ६,७, ११, १२ र १३ नम्बरका वडाहरुमा सुरक्षा भत्ता बितरण गर्ने सम्झौता अनुसार काम अगाडी बढाएको बताउनुभएको छ । उहाँले १२ नम्बर वडामा ६ सय ५३ जनालाई रकम बितरण गर्नुपर्ने भन्दै प्रक्रिया पुराएर सम्झौता भएका वडाहरुमा दशै अगाडी नै रकम बितरण गर्ने योजना बनाएको स्पष्ट पार्नुभएको छ । प्रभु बैकले गाउगाउमा नै पुगेर जेष्ठ नागरिकहरुलाई सामाजिक सुरक्षा भत्ता बितरण गर्न सुरु गरेसँगै बृद्धबृद्धाहरु उत्साहित भएका छन् । बैकको अनुसार नगरपालिका भित्रका २ वटा वडामा रकम बितरण गरिसकेको छ ।