चौघडाका कृषक अगस्ती सम्मानित

नुवाकोट । नुवाकोटको लिखु गाउँपालिका वडा नम्बर ४ चौघडाका कृषक रामचन्द्र अगस्ती सम्मानित भएका छन् ।

राष्ट्रिय प्रजातान्त्रिक पार्टीको भातृ संस्था राष्ट्रिय प्रजातान्त्रिक किसान संगठन नुवाकोट क्षेत्र नं १ ले अगस्तीलाई सम्मान गरेको हो । २१ औं राष्ट्रिय धान दिवसको अवसरमा राष्ट्रिय प्रजातन्त्र पार्टी निर्देशन समितिका अध्यक्ष तथा पूर्व मन्त्री डा. प्रकाशचन्द्र लोहनीले उनलार्ई सम्मानपत्रले सम्मान गरेका हुन् ।

उनलाई कृषि प्रणालीमा आधुनिकिकरण गर्दै आफ्नै प्रयासमा विभिन्न कृषि औजार निर्माण गर्दै आएको भन्दैसम्मान गरिएको राष्ट्रिय प्रजातान्त्रिक किसान संगठनका केन्द्रीय सदस्य अर्जुन थपलियाले विदुर खबरलाई जानकारी दिए ।

कार्यक्रममा कलाकारहरुले असारे भाकाका घाँसे गीत समेत गाएका थिए । अगस्ती वैदेशिक रोजगारबाट नेपाल फर्केर अहिले कृषि क्षेत्रमा सक्रिय छन् ।