सुभेनियरकी सिम्रिका नेपालकै सर्वोत्कृष्ट, ल्याइन ४ जिपिए

नुवाकोट । नुवाकोटकी सिम्रिका रिजालले एसइइमा सर्वोत्कृष्ट अङ्क प्राप्त गरेकी छिन् ।

विदुर नगरपालिका वडा नम्बर २ बट्टारमा रहेको सुभेनियर बोर्डिङ स्कुलकी सिम्रिका रिजालले सर्वोत्कृष्ट अंक ४ जिपिए प्राप्त गरेको विद्यालयले जनाएको छ ।

राष्ट्रिय परीक्षा बोर्ड, परीक्षा नियन्त्रण कार्यालयले माध्यामिक शिक्षा परीक्षामा सहभागी नुवाकोटकी सिम्रिका रिजालले ४ जिपिए प्राप्त गरेको पुष्टि गरेको छ । लेडर ग्रेडिङमा परीक्षाको नतिजा सार्वजनिक भएपछि नुवाकोटबाट ४ जिपिए प्राप्त गर्ने सिम्रिका पहिलो विद्यार्थी बनेकी हुन् ।

परीक्षापछि “ए–लेवल” तयारी गरिरहेकी सिम्रकाले नतिजाप्रति खुशी व्यक्त गरेको पिता राजेन्द्र रिजालले बताए ।

एसइइको बिहीबार सार्वजनिक नतिजाअनुसार परीक्षामा सहभागी भएका कुल विद्यार्थीमध्ये ४७.८६ प्रतिशत विद्यार्थीले राम्रो जिपिए प्राप्त गरेका छन । जसमा १८६ जनाले मात्र ४ जिपिए प्राप्त गरेका छन ।