प्याब्सन नुवाकोट जिल्लास्तरीय चित्रकला प्रतियोगिता सम्पन्न

नुवाकोट । निजी तथा आवासीय विद्यालय अर्गनाइजेशन (प्याब्सन) नुवाकोट जिल्ला स्तरीय चित्रकला आईतवार सम्पन्न भएको छ ।

प्याब्सन नुवाकोटको आयोजनामा विदुर ५ मा रहेको गुडविल एकेडेमीमा प्रतियोगिता आयोजना गरिएको हो ।

प्रतियोगिताको उद्घाटन कार्यक्रममा बोल्दै प्याब्सन नुवाकोटका अध्यक्ष तारावहादुर कार्कीले विद्यार्थीहरुको प्रतिभा प्रस्फुटन गर्न चित्रकला प्रतियोगिता आयोजना गरिएको जानकारी दिए । उनले विद्यार्थीहरुको क्षमता अभिवृद्धि गर्न प्याब्सन नुवाकोट सधैँ तयार रहेको समेत बताए ।

प्रतियोगिता दुई समुहमा आयोजना गरिएको थियो । जसमा कक्षा एकदेखि ५ सम्मको समहुमा ३१ जना विद्यार्थीको सहभागिता रहेको थियो भने

कक्षा ६–१० सम्मको २५ जना विद्यार्थी सहभागि भएको गुडविल एकेडेमीका पिन्सिपल रामराज कुमालले जानकारी दिए ।

प्रतियोगिताको विजेता र उपविजेताहरुलाई आगामी साता नगद र प्रमाणपत्रसहित सम्मान गर्ने बताइएको छ ।

चित्रकला प्रतियोगितामा जिल्लाका १६ ओटा निजि विद्यालयका ५६ जना विद्यार्थीहरुको सहभागिता रहेको थियो ।