अमात्यले बालगृहमा जन्मदिन बनाइन्

नुवाकोट । नेपाली कांग्रेस नुवाकोटकी महिला नेतृ तथा नेपाल उद्योग वाणिज्य महासंघ बाग्मति प्रदेश सदस्य गीता अमात्यले आफ्नो जन्मदिन बालगृहमा मनाएकी छिन् ।

नुवाकोटको विदुर नगरपालिका वडा नम्बर २ मा रहेको आमायाको माया छात्रवासमा अमात्यले साथीहरु र बालगृहमा रहेका १९ जना बालबालिकासंग जन्मदिन मनाएकी हुन् ।

अमात्यले बालबालिकालाई खाद्यान्न, स्टेसनरी फलफुल लगायतका सामागी बितरण गरेकी थिइन् । बाहिर गरिने अनावश्यक फजुल खर्च असाय बालबालिकाहरुमा सहयोग गर्न जन्मदिन उनीहरुसंग मनाएको उनले बताइन् ।

हामीले जन्मदिनमा फजुल खर्च गर्छै । यही फजुल खर्च रोक्न सन्देश मिलोस भनेर सहयोग गरेको हु । यसरी सहयोग गर्दा मनमा छुट्टै खुसी महशुस हुदो रहेछ । हामी सबैले आफ्नो जन्मदिन अरुलाई सहयोग गरेर मनाउनु पर्छ ” उनले भनिन् ।

उनले जन्मदिन, अन्य पुन्यतिथि तथा विभिन्न कार्यहरुको नाममा अनावश्यक क्षेत्रमा फजुल खर्च गर्नुभन्दा पनि आर्थिक रुपमा विपन्न, असहाय तथा समस्यामा परेका व्यक्तिहरुको उत्थानमा सहयोग गर्नुपर्ने बताइन् ।

तिहारमा समेत आमाको माया छात्रवासमा रहेका बालकहरुसँग टिका लगाउँदै आएकी अमात्यले बालगृहमा आएर जन्मदिन मनाउँदा बालगृहमा रहेका भाईहरु पनि खुसि भएको बताइन् ।

आमाको माया छात्रवासमा अहिले २१ जना आमा बुवा नभएका असाहय बालकहरुले आश्रय लिएर बसीरहेका छन् ।