नुवाकोटमा खुकुरी प्रहार गरि एक जनाको हत्या

नुवाकोट । नुवाकोटको किस्पाङ गाउँपालिका वडा नम्बर ५ मानेगाउँमा खुकुरी प्रहार गरि एक जनाको हत्या भएको छ ।

सोमवार साँझ साढे सात बजेको समयमा स्थानिय ७२ वर्षिय खमसिङ तामाङ आफ्नै घर अगाडी मृत अवस्थामा फेला परेको प्रहरीले जनाएको छ । उनको खुकुरी प्रहार गरि हत्या भएको प्रहरीले जनाएको छ ।

हत्याको आशकामा प्रहरीले एक जनालाई खुकुरीसहित पक्राउ गरेको जिल्ला प्रहरी कार्यालय नुवाकोटका प्रहरी नायव उपरीक्षक तिलक भारतीले जानकारी दिए ।

हत्या भएको सुचना पाउने बित्तिकै प्रहरी चौकी मैलुङबाट प्रहरीको टोली पुगेको थियो भने जिल्ला प्रहरी कार्यालय नुवाकोटका प्रहरी नायव उपरीक्षक तिलक भारतीको कामाण्डमा अनुसन्धान अधिकृत सहितको टोली समेत पुगेको थियो ।

घटनाको प्रारम्भिक अनुसन्धानको क्रममा दाजु भाई बिचको जग्गा बिवादको कारण हत्या भएको हुनसक्ने प्रहरीले जनाएको छ ।

हत्याको आशंकामा प्रहरीले ६७ वर्षिइ सिंहबहादुर तामाङलाई पक्राउ गरेको छ ।