नुवाकोट जिल्ला लिग छनोटको उपाधि बट्टार युथ क्लबको पोल्टामा

नुवाकोट । नुवाकोटमा जारी नुवाकोट जिल्लास्तरीय लिग छनौट नकआउट फुटबल प्रतियोगिताको उपाधी बट्टारको बट्टार युथ क्लबले हात पारेको छ ।

बुधवार सम्पन्न भएको फाईनल खेलमा विदुरको वनदेवी युवा क्लबलाई ट्राइव्रेकरमा ४–३ गोल अन्तरले पराजित गर्दै बट्टार युथ क्लबले उपाधि हात पारेको हो ।

निर्धारित समयमा दुबै टोलीले समान १÷१ गोल गरेपछि खेल ट्राइव्रेकरमा धकेलिएको थियो । बट्टारको लागि सागर दर्जी र वनदेवीका लागि विशाल थापामगरले गोल गरेपनि त्यसपछि कुनै गोल हुन नसकेपछि खेल ट्राइव्रेकरमा गएको थियो । ट्राइब्रेकरमा बट्टार युथ क्लबले वनदेवीलाई ४–३ गोल अन्तरले हराएको हो ।

बनदेवि न्यु ईनारपाटी युथ क्बललाई हराउँदै फाईनल प्रवेश गरेको थियो भने र बट्टार युथ क्लब पिपलटार फुटवल क्लबलाई पराजित गर्दे फाईनल प्रवेश गरेको थियो ।

प्रतियोगिताका विजेता र उपविजेतालाइ विदुर नगरपालिकाका प्रमुख राजन श्रेष्ठ र उपप्रमुख प्रभा बोगटी लगायतले ट्रफि, मेडल र प्रमाणपत्र वितरण गरेका थिए ।

नुवाकोट फुटबल संघको आयोजनामा भएको प्रतियोगितामा जिल्लाका विभिन्न १० क्लबहरुले सहभागिता जनाएका थिए । उपाधि विजेता बट्टार युथ क्लबसहित उपविजेता बनेको बनदेवी युवा क्बल तथा सेमिफाईनल पुगेको न्यु ईनारपाटी युथ क्बल र पिपलटार फुटवल क्लब जिल्ला लिगमा छनोट हुनेछन् ।

नुवाकोट जिल्ला लिग यहि जेठ  १५ गतेदेखि शुरु हुने नुवाकोट फुटवल संघका अध्यक्ष देवनारायण चित्रकारले जानकारी दिए ।

जिल्ला लिगमा जिल्लाका विभिन्न १२ क्लबको सहभागिता रहने बताइएको छ ।