वनदेवी मन्दिर परिसरको सरसफाई

विदुर खबर २०८१ वैशाख २९ गते १६:२९

नुवाकोट । विदुर सिटि युथ क्लबले शनिबार वनदेवी मन्दिर परिसर सरसफाई गरेकाे छ ।

त्यस्तै मन्दिरको बहुभाषिक जानकारीसहित फोटो र भिडियो राखिएको वेबसाईटको लिङ्कको क्युआर राखेको छ । क्लबले सञ्चालनमा ल्याएको सूचना केन्द्रको कार्य विघिअनुसार नुवाकोट जिल्लाको सांस्कृतिक, मठमन्दिर, चर्च, मस्जित, चैत्य, गुम्बालगायतको सार्वजनिक स्थलहरुको जानकारीलाई क्रमबद्ध रुपमा क्युआर कोड राख्दै आईरहेको छ ।

कार्यक्रममा क्लबका सल्लाहकार सन्तोष उप्रेती, वसन्त रिजाल, वनदेवी मन्दिरका कोषाध्यक्ष सविनराज भण्डारी, नारायणमान श्रेष्ठ, विदुर वन उपभोक्ता समितिका अध्यक्ष रामबहादुर ओस्ति, पृथ्वी माध्यामिक विद्यालयका सहप्रधानाध्यापक विश्वराज भट्टराई, संस्थाका पदाधिकारी, सदस्यहरु, विभिन्न उपसमितिका संयोजक तथा सदस्यहरुको उपस्थितिमा क्युआर कोड टाँस गरिएको छ ।