पर्यटन मन्त्रीको ‘न भिजन न मिसन’, मातहतका निकाय नबुझ्दा कार्ययोजना नै बनेन

नुवाकोट । संस्कृति, पर्यटन तथा नागरिक उड्डयन मन्त्री हितबहादुर तामाङको पर्यटन मन्त्रालयमा डेढ महिनाभन्दा लामो समय बितिसकेको छ ।

माघ २२ गते प्रधानमन्त्री पुष्पकमल दाहालले तत्कालिन पर्यटन मन्त्री सुदन किरातीलाई हटाएर तामाङलाई मन्त्रालयको जिम्मेवारी दिएका थिए । मन्त्री तामाङ पर्यटन मन्त्री भएको ५० दिन पुगेको छ । यो अवधिसम्ममा उनले न भिजन सार्वजनिक गर्न सके न त मिसन नै । मन्त्री तामाङले मातहतको निकाय नबुझ्दा कार्ययोजनासमेत ल्याउन सकेका छैनन् । उनी कार्यकर्ताको भेटघाट, बजेट माग्नेको वरिपरी बसेर समय व्यतित गरिरहेका छन् ।

तामाङले आइतबार पर्यटन मन्त्रालयमा पत्रकार सम्मेलन आयोजना गरे । त्यहाँ मन्त्रीले डेढ महिने उपलब्धी सार्वजनिक गर्ने, कार्ययोजनाको जानकारी दिने वा कुनै बोल्ड डिसिजन भएको सुनाउने अपेक्षा गरेर पत्रकारले गरेका थिए । तर, मन्त्रीले डेढ महिनासम्म पनि न भिजन सार्वजनिक गरे न मिसनकै बारेमा कुनै जानकारी दिनसके ।

मन्त्रीले मातहतको कार्यालय नबुझेको भन्दै कार्ययोजना नबाउनसमेत नसकेको निरिहता प्रस्तुत गरे । पर्यटन मन्त्री तामाङले भन ‘कार्ययोजना त केही बनाउन भ्याएको छैन, मातहतका निकायमा छलफल हुँदै गरेको र तिनिहरुको गतिविधि बुझ्दै गरेको छु ।’ उनले भने ‘विभिन्न निकायसँग छलफल हुँदै गरेकोले त्यसको जानकारीपछि कार्ययोजना बनाउने छु ।

अहिलेसम्म विभिन्न निकायबाट आउने बधाइ र शुभकामनामा दिनेका कारण मन्त्रालयमा भिडभाड भइरहेको छ ।’ उनले आफूले सबै कुरा बुझ्दै गरेकोले आवश्यक निर्णय पनि लिँदै जाने भन्दै पन्छने प्रयाससमेत गरेका छन् ।

मन्त्री तामाङ पर्यटन मन्त्रालयको ऐना मानिने राष्ट्रिय ध्वजाबाहक नेपाल वायुसेवा निगमसमक्ष अहिलेसम्म ब्रिफिङ लिन पुगेका छैनन् । उनलाई निगमको बारेमा खासै जानकारी पनि छैन ।

यता, निगमको एउटा न्यारोबडी इजरायलमा मर्मत भइरहेको छ । भोलि साेमबार नेपालमा ल्याउने जानकारी मन्त्रीले दिए । उनले निगले गर्ने काम, व्यवस्थापकीय क्षमता, व्यवस्थापनले लगाउन नसकेको काम र कमजोरीका विषयमा मन्त्रीले चसो नलिएको र कर्मचारीतन्त्रसमे चुप बसिदिएका कारण मन्त्री तामाङले अहिलेसम्म पर्यटन क्षेत्र बुझ्नै सकेका छैनन् ।

निगमको जहाज खरिद, भाडामा ल्याउने, भएकै जहाज मर्मत गरेर उडाउने, निगमले गरेको काम कारवाहीको प्रभावकारिता बढाउने र नियमित गतिविधिमा मन्त्रीले चासो नदिनुले पनि मन्त्रालयकै प्रभावकारीता कमजोर हुन पुगेको छ ।

पोखर अन्तर्राष्ट्रिय विमानस्थल, भैरहवा अन्तर्राष्ट्रिय विमानस्थल चल्न नसक्नुमा आफ्नो कमजोरी नभएको र सिस्टम अनुसार उडान संख्या बढाउन लागिएको जवाफ मन्त्री तामाङले दिए ।

पर्यटन सचिव डा. दीपक काफ्ले पनि मन्त्रीसँगै पत्रकार सम्मेलमा उपस्थित भएका थिए । तर, काफ्लेले भने आफू मन्त्रीको साक्षी मात्रै भएको भन्दै पर्यटन बोर्डसँग सम्बन्धित एउटा प्रश्नको मात्रै जवाफ दिए ।

पर्यटन बोर्ड सञ्चालक समितिका अध्यक्ष काफ्लेले सीईओ नियुक्ति निष्पक्ष ढंगबाट हुने र छनोट उपसमितिले सिफारिश गरेकै व्यक्ति हुने बताए । उनले बोर्ड अध्यक्ष र सीईओ नियुक्तिका विषयमा कसैलाई नभेट्ने भन्दै पत्रकारले सोधेका प्रश्नलाई पन्छाउँदै सबै मन्त्रीतिर फर्काइदिए ।

मन्त्री तामाङले आगामी २९ मे अर्थात सगरमाथा दिवसको दिन प्रधानमन्त्री पुष्पकमल दाहाल प्रचण्डलाई सगरमाथा फेदमा (बेसक्याम्प) पुर्याउने बताएका छन् ।

उनले यस पटक सगरमाथा दिवस भव्य रुपमा मनाउन पनि सगरमाथामा प्रधानमन्त्री पुर्याएर केही कार्यक्रमसमेत गर्ने बताए । वर्षेनी १५ जेठको गणतन्त्र दिवसको दिन पर्ने यो कार्यक्रम यसपटक भोलिपल्ट सगरमाथा दिवस परेकोले पनि प्रधानमन्त्रीलाई लगेर भव्य कार्यक्रम गर्ने तयारी भइरहेका पनि बताए ।