श्रीकृष्ण प्रणामी मन्दिर ईनारपाटीको ३८ औ वार्षिक उत्सव शुरु

नुवाकोट । नुवाकोटको विदुर नगरपालिका वडा नम्बर ६ मा रहेको श्रीकृष्ण प्रणामी मन्दिर ईनारपाटीको ३८ औ वार्षिक उत्सव शनिवारदेखि शुरु भएको छ ।

वार्षिक उत्सवको विदुर नगरपालिकाका प्रमुख राजन श्रेष्ठ र वडा नम्बर ४ का वडाध्यक्ष निलमबाबु ढुङ्गेलले संयुत्त रुपमा उद्घाटन गरेका हुन् ।

कार्यक्रममा सम्बोधन गर्दे नगरप्रमुख राजन श्रेष्ठले विदुर नगरपालिका सबै धर्म र संकृतिको केन्द्र रहेको बताए । उनले नगरपालिकालाई धार्मिक पर्यटनको केन्द्र बनाउन सबैको साथ आवश्यक रहेको समेत बताए ।

कार्यक्रममा श्रीमद् तारतम् ब्रम्हबाणी तथा श्रीमद् भागवत कथा प्रवचन शास्त्री पुरुषोत्तम खतिवडा, विदुषी कोपिला कुञ्ज लगायतका साथै रााष्ट्रिय तथा स्थानिय कलाकारहरुले प्रस्तुती रहेको थियो ।