नुवाकोटको म्यागङमा आईचरले किचेर एक जनाको ज्यान मृत्यु

नुवाकोट । नुवाकोटको म्यागङ गाउँपालिकामा आईचरले किचेर एक जनाको मृत्यु भएको छ ।

म्यागङ गाउँपालिका वडा नम्बर ६ मा आईचरलाई मोटरसाईकलले ओभरट्याक गर्ने क्रममा र्दुघटना भएको हो । पोखरीबाट मैबलतर्फ गईरहेको बा ९४ प ८४३० नम्बरको यामाहाको मोटरसाईकलले बा ४ ख ८६६० नम्बरको आईचरलाई ओभरट्याक गर्ने क्रममा आईचरले किचेर मोटरसाईकलको पछाडी वसेका एक व्यक्तिको घटनास्थलमा मृत्यु भएको स्थानियले बताएका छन् ।

मृतकको पहिचान खुल्न बाँकी रहेको छ । त्यस्तै र्दुघटनामा परि मोटरसाईकल चालक समेत सामान्य घाइते भएका छन् ।

घटनास्थलमा केही वेर अघि मात्र प्रहरी पुगेको छ । घटनाको समबन्धमा अनुसन्धान शुरु गरिएको जिल्ला प्रहरी कार्यालय नुवाकोटले जनाएको छ ।