कुखुरापालन सम्बन्धी तालिम सम्पन्न

नुवाकोट । नुवाकोटको विदुर नगरपालिका वडा नम्बर ५ माझिटारमा एक दिने कुखुरा पालन तथा जाडोयाम व्यवस्थापन सम्बन्धित कृषक तालिम सम्पन्न भएको छ ।

न्यु होप एग्रो विजनेस प्रालि चितवनको आयोजना तथा विदुर नगरपालिका वडा नम्बर ५ कार्यालयको समन्वयमा तालिम आयोजना गरिएको हो । तालिममा जाडो समयमा कुखुराको व्यवस्थापन र कुखुरामा देखिने रोगको सम्बन्धमा न्यु होप एग्रो विजनेस प्रालिका डाक्टरहरु सुदिप कोइराला र कपिल भुसालले प्रशिक्षण गराएका थिए ।

न्यु होप एग्रो विजनेस प्रालि चितवनले आफ्नो सामाजिक उत्तरदायित्व अन्र्तगत विदुर ५ मा तालिमको आयोजना गरेको हो ।

तालिममा सहभागि भएका व्यवसायीक कुखुरापालक कृषकहरुलाई व्यवसायका लागि थप दक्ष बनाउन तालिमले महत्वपुर्ण भुमिका खेल्ने वडा नम्बर ५ का वडाध्यक्ष लिलानाथ न्यौपानेले बताए । उनले वडा कार्यालयले कृषकहरुको लागि प्राथमिकता दिएर काम गरिरहेको भन्दै सकेको सहयोग गर्न तयार रहेको बताए ।

कार्यक्रममा सहभागि भएका कृषकहरुले जाडो समयमा कुखुराको हेरचाह र कुखुरा पालन व्यवसायमा देखिने चुनौतिको विषयमा जानकारी हासिल गरेको भन्दै खुशी व्यक्त गरे

कार्यक्रममा कुखुरा व्यवसायबाट राम्रो आम्दानी गरेको भन्दै विदुर नगरपालिका वडा नम्बर ९ कोलनीकी अनिसा माया तामाङलाई सम्मान गरिएको थियो ।

तालिममा ४० भन्दा बढी कृषकहरुको सहभागिता रहेको थियो । तालिम दिने संस्था न्यु होप एग्रो विजनेस प्रालि चितवनले कुखुराहरुको लागि पोषक दाना उत्पादन गरिरहेको छ ।