नुवाकोटमा समाजवादी मोर्चा गठन, ३० गते सन्देश सभा गर्ने

नुवाकोट । समाजवादी मोर्चा नेपालले नुवाकोटको विदुरमा मङ्सिर ३० गते शनिबार सन्देश–सभा गर्ने भएको छ ।

मोर्चाको एक घटक नेकपा (एकीकृत समाजवादी)का केन्द्रीय परिषद् सदस्य यमकुमार खातीले सन्देश–सभा हुने जानकारी दिएका हन् ।

गत मङ्सिर १६ गते समाजवादी मोर्चा नेपाल नुवाकोटको पहिला बैठक समाजवादी मोर्चा नेपाल बागमती प्रदेश सचिवालय सदस्य माइला लामाको पम्रखु आतिथ्यतामा र नेपाल कम्युनिस्ट पार्टी नुवाकोट जिल्ला इन्चार्ज निर्देश सिंहको अध्यक्षतामा जिल्लामा क्रियाशील समाजवादी मोर्चा नेपालमा आबद्ध घटकका प्रमुख तथा प्रतिनिधिको उपस्थितिमा सम्पन्न भएको थियो ।

बैठकले समाजवादी मोर्चालाई सशक्त ढङ्गले अगाडि बढाउने निर्णयसमेत गरेको छ । नुवाकोटमा समाजवादी मोर्चामा नेकपा (माओवादी केन्द्र), नेकपा एकीकृत समाजवादी, नेपाल कम्युनिस्ट पार्टी र जनता समाजवादी पार्टी सम्मिलित रहेको छ ।