प्रहरीलाई दुर्व्यवहार गर्ने नुवाकोटका सुवास पक्राउ

नुवाकोट । नुवाकोटको सुर्यगढी गाउँपालिकाका सुवास कुवर मादक पदार्थ सेवन गरि सवारी चलाएको आरोपमा पक्राउ परेका छन् ।

बिहिवार टोखा–छहरे–गंगटे–बिदुर सडक खण्ड अन्र्तगत पर्ने लिखु गाउँपालिका वडा नम्बर ६ फगटेमा विपरित दिशाबाट आइरहेको बा ७७ प ७८८ नम्बरको स्कुटीलाई कुवरले चलाएको माइक्रो वसले ढक्कर दिएको थियो ।

माइक्रोको ठक्कर दिँदा स्कुटीमा सवार सुर्यगढी गाउंपालिका वडा नम्ब ५ बस्ने सुशिला तामाङ घाइते भएकी थिइन् । सुशिला सामान्य उपचारपछि घर फर्किएकी छिन् ।

सवारी चालक कुवरले मदिरा सेवन गरि दुर्घट्ना गराएको जिल्ला प्रहरी कार्यालय नुवाकोटले जनाएको छ । माइक्रो चालक कुवरले प्रहरीले सोधपुछ गर्ने क्रममा प्रहरीलाई नै दुर्व्यवहार गरेका थिए ।

लगत्तै उनलाई पक्राउ गरि शुक्रवार मुलुकी अपराध संहोता २०७४ को अभद्र व्यवहार कसूर अन्तर्गत दिन (७) म्याद थप गरि अनुसंधान शुरु बढाइएको जिल्ला प्रहरीक कार्यालय नुवाकोटले जनाएको छ ।