विदुरको एक हार्डवेयर पसलमा आगलागी, क्षतिको विवरण आउँन बाकी

नुवाकोट । नुवाकोटको विदुरमा रहेको एक हार्डवेयर पसलमा बुधवार राती आगलागी भएको छ ।

हिजो राती पौने ११ बजे विदुर नगरपालिका वडा नम्बर ४ मा रहेको हार्डवेयरमा आगलागी भएको जिल्ला प्रहरी कार्यालय नुवाकोटले जनाएको छ ।

नेपाल बैंक अगाडी रहेको सो हार्डवेयर ठाकुरप्रसाद खतिवडाको रहेको बताइएको छ ।

आगलागीबाट पसलको सामान पुर्ण रुपमा जलेर नष्ट भएको प्रहरीले जनाएको छ । आगलागीबाट भएको क्षतिको विवरण समेत आउँन बाकी रहेको जिल्ला प्रहरी कार्यालय नुवाकोटले जनाएको छ ।

पसलमा आगलागी भएपछि विदुर नगरपालिकाको दमकल आगो निभाउन खटेको थियो ।