नुवाकोटमा राति ९ बजेसम्म मात्र देउसीभैलो खेल्न पाइने

नुवाकोट । नुवाकोटमा राती ९ बजेसम्म मात्र देउसीभैलो खेल्न पाइने भएको छ ।

जिल्ला प्रशासन कार्यालय नुवाकोटले शुक्रवार एक सुचना जारी गर्दै राती ९ बजेसम्म मात्र देउसी भैलो खेल्न सकिने बताएको हो ।

नुवाकोटको प्रमुख जिल्ला अधिकारी सुरेन्द्र पौडेलले राती ९ बजेसम्म मर्यादित भएर देउसीभैलो खेल्न सकिने जानकारी दिए ।
प्रमुख जिल्ला अधिकारी पौडेलले तिहारमा भुइचम्पा, पटाका र आतिसबाजीस्ता विस्फोटक पदार्थको प्रयोगले आगलागी र जनधनको क्षति हुने भएकोले ओसारपसार र विक्रि वितरणमा रोक लगाएको बताए ।

त्यस्तै जुवा, तास लङ्गुबर्जा लगायतका खेल खेलाउन समेत प्रतिबन्ध लगाइएको छ । कानुन विपरितको काम गरेमा जो सुकैलाई कारवाही गरिने पनि जिल्ला प्रशासन कार्यालय नुवाकोटले जनाएको छ ।