नुवाकोट क्रिकेट संघको खेलाडीहरुसँग अन्तरक्रिया

नुवाकोट । नुवाकोट क्रिकेट संघले जिल्लामा क्रिकेट खेलको प्रर्वद्धन र विकासका लागि खेलाडीहरुसँग अन्तरक्रिया गरेको छ ।

शनिवार संघका उपाध्यक्ष विष्णु प्याकुरेलको नेतृत्वमा भएको कार्यक्रममा क्रिकेटका खेलाडी र सर्मथकहरुको उपस्थिति रहेको थियो । कार्यक्रममा नुवाकोटमो क्रिकेटको विकास गर्नका लागि सरोकारवालाहरु एकजुट भएर अघि बढ्ने सहमति भएको नुवाकोट क्रिकेट संघका उपाध्यक्ष विष्णु प्याकुरेलले जानकारी दिए ।

कार्यक्रममा खेलाडीहरुले पछिल्लो समयमा जिल्लामा खेल गतिविधि कम भएको भन्दै छिटोभन्दा छिटो प्रतियोगिताहरु आयोजन गर्ने व्यवस्था मिलाउन क्रिकेट संघका पदाधिकारीहरुलाई आग्रह गरेका थिए ।

उनीहरुले जिल्लामा क्रिकेट खेलको लागि मैदान समेत अभाव रहेको भन्दै च्वाडी माविमा बन्दै गरेको मैदानलाई छिट्टै स्तरउन्नती गर्नुपर्नै समेत माग गरेका थिए । उनीहरुले विद्यालयस्तरीय प्रतियोगिता आयोजना गर्न सके खेलाडी उत्पादन हुने समेत बताए ।

छलफलले जिल्लामा रहेका सबै स्थानिय तहसँग क्रिकेट विकासमा लागि समन्वय गर्ने र बजेटको विनियोजन गर्न माग गर्ने समेत निर्णय भएको संघका उपाध्यक्ष प्याकुरेलले विदुर खबरलाई जानकारी दिए ।

कार्यक्रममा नुवाकोट क्रिकेट संघका अन्य पदाधिकारीहरुको उपस्थिति रहेको थियो ।