पिपलटारमा दोस्रो अन्तर माविस्तरीय फुटसल प्रतियोगिता हुने

नुवाकोट । नुवाकोटमा आगामी भदौ ८ गतेदेखि दोस्रो अन्तर माविस्तरीय फुटसल प्रतियोगिता हुने भएको छ ।

नुवाकोटको विदुर नगरपालिका वडा नम्बर ५ मा रहेको पिपलटार फुटवल क्लबको आयोजनामा प्रतियोगिता हुन लागेको हो ।

प्रतियोगिताको लागि भदौ ६ गतेसम्म टिम दर्ता गर्न सकिने पिपलटार फुटवल क्लबका अध्यक्ष उद्धव पनेरुले जानकारी दिए ।
प्रतियोगतामा छात्र छात्रातर्फ छृुट्टाछुट्टै प्रतियोगिता हुने आयोजकले जानकारी दिएको छ ।

छात्रातर्फ दुई हजार रुपैयाँ र छात्रतर्फ तीन हजार रुपैयाँ शुल्क तोकिएको छ । प्रतियोगिताको विजेता र उपविजेतालाई नगद रुपैयाँसहित मेडल, प्रमाणपत्र र ट्रफी वितरण गरिने बताइएको छ ।