नुवाकोटमा पत्रकार आत्मरक्षा तालिम शुरु

नुवाकोट । नुवाकोटमा आईतवारदेखि पत्रकारहरुको लागि आत्मरक्षा तालिम शुरु भएको छ ।

नेपाल पत्रकार महासंघ बागमती प्रदेशको आयोजना एवं पत्रकार महासंघ नुवाकोट शाखाको संयोजन र प्रदेश युवा परिषद बाग्मति प्रदेशको सहयोगमा पत्रकारहरूका लागि आत्मरक्षा तालिम विदुरमा सुरु भएको हो ।

तालिममा विभिन्न बिपदको समयमा आफुलाइ सुरछित कसरी राख्ने भन्ने विषयमा सैदान्तिक र प्रयोगात्मक विषयमा तालिम दिइएको छ ।

तालिमको पहिलो दिन प्रशिक्षकको रुपमा चर्चित खोज पत्रकार केपी ढुङ्गाना र जिल्ला प्रहरी कार्यालयको टोलीले समाचार संकलन गर्न जाँदा हुन सक्ने अवरोध भौतिक आक्रमणको डिफेन्स कसरी गर्ने भन्ने विषयमा सैदान्तिक र व्यवहारिक सिकाएका थिए ।

कार्यक्रमको उद्घाटन सत्रमा बोल्दै पत्रकार महासंघ बाग्मति प्रदेशका अध्यक्ष शिव देवकोटाले विपद, भिडभाड र दन्द्धको समयमा कसरी रिर्पार्टिङ गर्ने भन्ने विषयमा जानकारी दिन नुवाकोटमा आत्मरक्षा तालिमको आयोजना गरेको जानकारी दिए । उनले बाग्मति प्रदेशकै पत्रकारहरुको क्षमता विकासको लागि प्रदेश महासंघ सधैँ प्रतिवद्ध भएर लाग्ने बताए ।

कार्यक्रममा पत्रकार महासंघका केन्द्रिय सदस्य धुव रावल, बाग्माति प्रदेश सदस्य रामहरि गजुरेल, पत्रकार महासंघ नुवाकोटका अध्यक्ष कपिलदेव खनाल, प्रेस चौतारी नुवाकोटका अध्यक्ष नवदिप श्रेष्ठ र प्रेस युनियन नुवाकोटका अध्यक्ष नवराज सुवेदी लगायतले तालिमले समाचार संकलनमा आइ पर्न सक्ने सम्भावित असुरक्षालाई चिर्न मद्दत मिल्ने विश्वास व्यक्त गरे ।

तालिममा नुवाकोटका २५ जना पत्रकारहरुको सहभागिता रहेको छ । तालिम सोमवारसम्म संचालन हुने छ ।