कोरोना संक्रमणबाट थप १ जनाको मृत्यु

विदुर खबर २०८० वैशाख ५ गते ७:५३

नुवाकोट । कोरोना संक्रमणबाट सोमबार थप १ जनाको मृत्यु भएको छ ।

स्वास्थ्य मन्त्रालयका अनुसार पछिल्लो २४ घण्टामा कोरोना संक्रमणबाट थप १ जनाको मृत्यु भएको हो । योसँगै नेपालमा कोरोनाबाट मृत्यु हुनेको संख्या १२ हजार २३ पुगेको छ ।

यसअघि नेपालमा कोरोनाबाट चैत २९ गते १ जनाको मृत्यु भएको थियो । त्यसअघि चैत २८ गते १ जनाको मृत्यु भएको थियो जुन नेपालमा ३ महिनापछि कोरोनाबाट पहिलो पटक मृत्यु भएको घटना थियो ।

त्यस्तै पछिल्लो २४ घण्टामा थप १०४ जनामा कोरोना संक्रमण पुष्टि भएको छ । त्यसमध्ये आरटीपीसीआरतर्फ ६३ र एन्टिजेनतर्फ ४१ जनामा पोजिटिभ पुष्टि भएको हो । गत २४ घण्टामा ५७१ पीसीआर र १०६१ एन्टिजेन गरी १६३२ नमुना परीक्षण गरिएको थियो । त्यस्तै पछिल्लो २४ घण्टामा ६० जना संक्रमणमुक्त भएका छन् । नेपालमा अहिले सक्रिय संक्रमितको संख्या ३७९ रहेको छ ।

त्यस्तैगरी काठमाडौं उपत्यकामा कोरोनाका ४४ जना उपचाररत छन् । त्यसमध्ये ३४ जना संस्थागत आइसोलेसनमा, आईसीयूमा ७ र भेन्टिलेटरमा ३ जना रहेका छन् । पछिल्लो २४ घण्टामा २६ हजार ६ सय ७५ जनाले कोरोनाविरुद्धको खोप लगाएका छन् ।