सत्यसाई मार्केटिङ सुपर सिक्स क्रिकेट प्रतियोगिताको उपाधि तप्त युवाक्लबलाई

नुवाकोट । सत्यसाइ मार्केटिङ प्रालिको आयोजना र नुवाकोट क्रिकेट संघको सह– आयोजनामा भएको पहिलो सुपर सिक्स क्रिकेट प्रतियोगिताको उपाधि तप्त युवा क्लबले जितेको छ ।

च्वाडी पब्लिक माबिको खेल मैदानमा भएको फाइनलमा तप्त युबा क्लब देबिघाटले पिप्लेफाँट युबा क्लब ढिकुरेलाई ३ रनले पराजित गरि उपाधि उचालेको हो ।

टस जितेर ब्याटिङ्ग रोजेको तप्त युबा क्लबले ५ ओभरमा १ विकेटको क्षेतिमा ९० रन बनाएको थियो । उसका लागि पवन राईले ३४ रनको योगदान गर्दा राजेश रिमालले ३१ बनाएका थिए ।

९१ रनको लक्ष्य लिएर मैदानमा उत्रेको पिप्लेफाँट युबा क्लब ढिकुरेले ५ ओभरमा सबै बिकेट गुमाएर ८८ रन मात्र बनाउन सक्यो । पिप्लेफाँटको तर्फबाट आशिक नेपालीले सर्बाधिक ३७ रन बनाउनुवाहेक अन्य खेलाडीले राम्रो प्रर्दशन गर्न सकेनन् ।

प्रतियोगिताको विजेता टिम तप्त युवा क्लबले ८ हजार रुपैयाँ प्राप्त ग¥यो भने उपविजेता पिप्लेफाँट युबा क्लबले नगद ४ हजार रुपैयाँ पायो ।

प्रतियोगिताको उत्कृष्ट खेलाडी तप्त युवा क्लबका खेलाडी राजेश रिमाल घोषित भए ।

प्रतियोगताको विजेता तथा उपविजेतालाई सत्यसाइ मार्केटिङका प्रबन्धक जोनि जेके र नुवाकोट क्रिकेट संघका सस्थापक अध्यक्ष केशब मिश्र लगायतले ट्रफि प्रमाणपत्र र नगद पुरस्कार वितरण गरेका छन् ।

प्रतियोगितामा ८ ओटा क्लबको सहभागिता रहेको नुवाकोट क्रिकेट संघका कोषाध्यक्ष बिराटमान सिंह डङ्गोलले जानकारी दिए ।