विदुर खानेपानीको मतगणना : सबै पदमा एमालेको अग्रता

नुवाकोट । विदुर खानेपानी सरसफाई तथा उपभोक्ता समितिको निर्वाचनको अहिले मत गणना जारी छ ।

हालसम्म ६ सय ४५ मत गणना हुँदा एमालेका संजीव श्रेष्ठले ४ सय ४ मत प्राप्त गरेका छन भने गठबन्धनका साझा उम्मेद्धवार कांग्रेसका छत्रराज डंगोलले २ सय १० मत ल्याएका छन् । श्रेष्ठ र डंगोलविचको मतान्तर एकसय ९४ पुगेको छ ।

उपाध्यक्षमा राप्रपाका महेश कुमार डंगोलले २ सय ८४ मत प्राप्त गर्दा गठबन्धनका उम्मेद्धवार नमराज न्यौपानेले २ सय ६३ मत प्राप्त गरेका छन् । यस्तै उपाध्यक्षमा स्वतन्त्र उम्मेद्धवारी दिएका मुरारी नेपालले ५७ मत ल्याएका छन् ।

सचिवमा एमालेकै राजेन्द्र पाण्डेले ४ सय ७ मत ल्याएर अग्रता लिएका छन् भने गठबन्धनको तर्फबाट समाजवादीका नरेन्द्र वहादुर पाण्डेले एकसय ५७ मत पाएका छन् ।

कोषाध्यक्षमा एमालेकै अम्बिका चित्रकारले ३ सय ४८ मत प्राप्त गर्दा गठबन्धनको उम्मेद्धवार रविता भट्टले २ सय ४२ मत प्राप्त गरेकी छिन् ।

महिला सदस्यमा एमालेकी विष्णुमाया डंगोलले ३ सय ७३ र सिता अधिकारीले ३ सय ७३ मत प्राप्त गर्दा गठबन्धनका शुशिला पौडेलले २१८ र शान्ति श्रेष्ठ २२३ मत पाएका छन् ।

यस्तै सदस्यमा एमालेका दिपक तिम्सीनाले ३ सय ३९, कृष्ण प्रसाद भट्ट ३ सय १९ र लवप्रसाद न्यौपानेले ३ सय १८ मत प्राप्त गरेका छन् ।

यस्तै गठबन्धनको तर्फबाट रामजी भट्टले २ सय ६२, राजेन्द्र सापकोटाले २ सय ३० र पदमकान्त न्यौपानेले एकसय ९५ मत प्राीत गरेका छन् ।

सदस्यमा स्वतन्त्र उम्मेद्धवारी दिएका विमल खड्काले ३२ मत ल्याएको निर्वाचन कार्यालयले जानकारी दिएको छ ।

विदुर खानेपानीको नेतृत्व हत्याउन निर्वाचनमा नेपाली कांग्रेस, माओवादी केन्द्र र एकिकृत समाजवादीले गठबन्धन गरेका छन् भने एमाले र राप्रपाले समेत तालमेल गरेका छन् ।