नुवाकोट फुटवल संघको अध्यक्षमा चित्रकार

नुवाकोट । नुवाकोट जिल्ला फुटवल संघको अध्यक्षमा देवनारायण चित्रकार निर्विरोध निर्वाचित भएका छन् ।

नुवाकोट जिल्ला फुटबल संघको छैटौं जिल्ला अधिवेशनले चित्रकारको नेतृत्वमा निर्विरोध रुपमा कार्यसमिति चयन गरेको हो । अधिबेशनले उपाध्यक्षमा आचुत महन्त राज गिरी, सनी चित्रकार र विजय गुरूङलाई चयन गरेको छ ।

सदस्यहरुमा पूर्णमान चित्रकार, दीपक लाल चित्रकार, निरज खड्गी, सुप्पल गुरूङ, रामकुमार कोइराला, रामकृष्ण लामा, सन्तोष खड्का, गोविन्द श्रेष्ठ, श्रीकृष्ण आचार्य र मोहित तण्डुकार चयन भएका छन् ।

अध्यक्षमा निर्वाचित भएका चित्रकार लामो समयदेखि नुवाकोटमा रहेर फुटवल प्रशिक्षकको रुपमा काम गरिरहेका छन् ।

उनी अध्यक्षमा निर्वाचित भएसँगै जिल्लामा फुटवल गतिविधिले प्राथमिकता पाउने खेलप्रेमीहरुला आशा व्यक्त गरेका छन् ।