नुवाकोटमा एमसीसीविरुद्ध युवाहरुको प्रर्दशन

नुवाकोट । मिलेनियम च्यालेन्ज कर्पोरेसन (एमसिसि ) राष्ट्रको हितमा नरहेको भन्दैँ नुवाकोटमा युवाहरुले प्रदर्शन गरेका छन् ।

नेकपा माओवादी केन्द्र र नेकपा समाजवादी पार्टी युवाहरुको आयोजनामा एमसिसिविरुद्ध बट्टार बजारमा प्रर्दशन भएको हो । एमसीसी कार्यान्वयन भए नेपाल र नेपालीको हित बिपरितका काम हुने भएकाले यसको अविलम्ब खारेजीको माग गर्दै नेपाल सरकारलाई दबाब दिने उद्धेश्यले विरोध कार्यक्रम गरिएको युवाहरुले बताएका छन् ।

एमसिसि देशको लागि घातक हो भन्दैँ युवाहरुको समुहले एमसिसि खारेज गर , ५५ अर्बमा देश बेच्न पाइदैन , अमेरीकी हस्तक्षेप बन्द गर, अमेरीकी सेना चाहिदैन , राष्ट्रिय स्वतन्त्रता कायम गर लगायतका नाराहरु लेखिएका प्लेकार्ड सहित प्रर्दशन गरेका थिए ।

एमसिसिको बिरोधमा बट्टार क्याम्पस अगाडी युवाहरुले शाान्तिपुर्ण प्रर्दशन गरेका थिए ।