नुवाकोटमा कोरोनाका संक्रिय संक्रमितको संख्या तीन पुग्यो

नुवाकोट । नुवाकोटमा कोरोनाका सक्रिय संक्रमितको संख्या तीन पुगेको छ ।

जिल्ला एकसाता कोरोनामुक्त भएपनि फेरि तीनजना सक्रिय संक्रमित भेटिएका हुन् ।

स्वास्थ्य कार्यालय नुवाकोटका अनुसार भेटिएका कोरोना संक्रमितमध्ये तारकेश्वर, किस्पाङ र सुर्यगढी गाउँपालिकाका समान एक÷एक जना रहेका छन् ।

उनीहरु सबै होम आइसोलेसनमा उपचाररत रहेको स्वास्थ्य कार्यालय नुवाकोटले जानकारी दिएको छ ।

यससँगै नुवाकोटमा कोरोना संक्रमितको संख्या ८ हजार ३ सय ९३ पुगेको छ । यस्तै कोरोना निको हुनेहरुको संख्या ८ हजार ३ सय ४० पुगेको कार्यालयका सुचना अधिकारी उत्तमराज खनालले बताए ।

यस्तै जिल्लामा कोरोना संक्रमणबाट मृत्यु हुनेको संख्या ५२ पुगेको छ । हालसम्म नुवाकोटमा २८ हजार ८ सय ५६ जनाको पिसिआर परिक्षण गरिएको छ ।