नुवाकोटमा वर्षा, काठमाडौं उपत्यकाका डाँडाहरूमा हिमपात

नुवाकोट ।  आज देशभर मौसम बदली भई देशका अधिकांश ठाउँमा पानी परेको छ । हिमाली र उच्च पहाडी क्षेत्रमा हिउँ परिरहेको मौसम पूर्वानुमान महाशाखाले जनाएको छ ।

नुवाकोटमा आज विहान रातीदेखि नै पानी परिरहेको छ । पानी परेसँगै चिसो बढेकोले जनजीवन प्रभावित भएको छ । चिसो बढेसँगै बजार क्षेत्रमा मानिसहरुको चहलपहल कम भएको छ ।

काठमाडौंको चन्द्रागिरि डाँडामा पनि मिर्मिरेमा बाक्लै हिमपात भएको छ । चन्द्रागिरिमा यो वर्षको पहिलो पटक हिमपात भएको हो ।

मौसम पूर्वानुमान महाशाखाका अनुसार शुक्रबारसम्मै मौसममा आंशिकदेखि सामान्य बदली आई हिमपात र पानी पर्ने सम्भावना छ ।