नुवाकोटमा थप दुईजना कोरोना संक्रमित थपिए

नुवाकोट । नुवाकोटमा थप दुईजना कोरोना संक्रमित थपिएका छन् ।

स्वास्थ्य कार्यालय नुवाकोटका अनुसार पछिल्लो २४ घण्टामा ८ जनाको पिसिआर परिक्षण गर्दा २ जनामा कोरोना संक्रमण पुष्टि भएको कार्यालयका सुचना अधिकारी उत्तमराज खनालले जानकारी दिए ।

यससँगै नुवाकोटमा कोरोना संक्रमितको संख्या ८ हजार ३ सय ९० पुगेको छ । पछिल्लो २४ घण्टामा भेटिएका संक्रमित दुबैजना विदुर नगरपालिकाका रहेका छन् ।

जिल्लामा हालसम्म ८ हजार ३ सय ३० जना कोरोनामुक्त भएर घर फर्किएका छन् । नुवाकोटमा हालसम्म कोरोना संक्रमणबाट मृत्यु हुनेको संख्या ५२ पुगेको छ ।

नुवाकोटमा हालसम्म २८ हजार ७ सय ९४ जनाको पिसिआर परिक्षण गरिएको स्वास्थ्य कार्यालय नुवाकोटले जनाएको छ ।