नुवाकोट कांग्रेसको क्षेत्रिय अधिवेशन आज, सभापतिमा चारजनाको दाबी

नुवाकोट । नेपाली कांग्रेस नुवाकोटको १४ औ महाधिवेशन अन्र्तगत आज क्षेत्रिय महाधिवेशन हुदैछ ।

दुई निर्वाचन क्षेत्र रहेको नुवाकोटमा क्षेत्रिय सभापतिको लागि चारजनाले दाबी गरेका छन् । क्षेत्र नम्बर १ को सभापतिमा धुव्र श्रेष्ठ र विषम रिमालले उम्मेद्धवारी घोषणा गरेका छन् ।

यस्तै क्षेत्र नम्बर २ को सभापतिमा जगतवहादुर तामाङ र मछिन्द्र नरसिंह प्याकुरेलले उम्मेद्धवारी दिएका छन् ।

जिल्लामा केसी र महत दुई समुहमा विभाजित कांग्रेसका क्षेत्रयि सभापतिका उम्मेद्धवारहरुले छुट्टाछुट्टै प्यानल बनाएर निर्वाचनमा होमिएका छन् । रिमाल र प्याकुरेललाई अर्जुननरसिंह केसी र जगदीश्वर नरसिंह केसीको साथ छ भने श्रेष्ठ र तामाङलाई कांग्रेसका नेताहहरु डा. रामशरण महत, डा. प्रकाशशरण महत र बहादुरसिंह लामा लगायतको साथ रहेको छ ।

शुक्रवार सम्पन्न प्रदेशसभा क्षेत्रको अधिवेशनमा चारवट्टै क्षेत्रमा महत समुहका सभापतिले जित हासिल गरेका छन् । सभापतिमा विजयी हुनेमा प्रतिनिधिसभा क्षेत्र नमबर १ को प्रदेश क मा शुशिल खड्का र ख मा रामजी पौडेलले जीत हासिल गरेका थिए ।

यस्तै क्षेत्र नम्बर २ को क मा गणेश तामाङ र ख मा बैकुण्ठबहादुर पाण्डेले जित हासिल गरेका थिए ।