नेपाल बन्दको प्रभाव नुवाकोटमा सामान्य

नुवाकोट । मूल्य वृद्धिको विरोधमा नेत्रविक्रम चन्द ‘विप्लव’ नेतृत्वको नेकपा माओवादीले गरेको नेपाल बन्दको प्रभाव नुवाकोटमा सामान्य परेको छ ।

बन्दको कारण सार्वजनिक सवारी साधनहरू कम चलेका छन । सार्वजनिक गाडीहरू कममात्र चल्दा काम विशेषले आज बिहानै गन्तव्यमा जान चाहनेहरुले सास्ती पाएका छन ।

नुवाकोटबाट काठमाडौं जाने वसहरु निकै कम मात्रामा चलेका छन् । निजी कार र मोटरसाइकलहरू भने निर्वाध चलिरहेका छन ।

सडकमा विप्लवका कुनैपनि कार्यकर्ताहरु देखिएका छैनन । जिल्लाको विभिन्न चोकचोकमा सुरक्षाकर्मीहरूको तैनाथी बढाइएको छ । बन्दको क्रममा कुनै अप्रिय घटना नभएको जिल्ला प्रहरी कार्यालय नुवाकोटले जनाएको छ ।