नुवाकोटमा कोरोना संक्रमणबाट मृत्यु हुनेको संख्या ४९ पुग्यो

नुवाकोट । नुवाकोटमा कोरोना संक्रमणबाट मृत्यु हुनेको संख्या ४९ पुगेको छ ।

स्वास्थ्य कार्यालय नुवाकोटका अनुसार जिल्लामा हालसम्म कोरोना संक्रमणबाट मृत्यु हुनेको संख्या ४९ पुगेको हो ।

यस्तै पछिल्लो २४ घण्टामा जिल्लामा २ जना कोरोना संक्रमित थपिएका छन् । पछिल्लो २४ घण्टामा थपिएका कोरोना संक्रमितमध्ये दुबैजना दुप्चेश्व गाउँपालिकाका रहेका छन् ।

यससँगै जिल्लामा कोरोना संक्रमितको संख्या ८ हजार एकसय ६२ पुगेको छ । यस्तै जिल्लामा कोरोनामुत्त हुनेको संख्या ८ हजार ५३ पुगेको कार्यालयका सुचना अधिकारी उत्तमराज खनालले जानकारी दिए ।

हाल जिल्लामा सक्रिय कोरोना संक्रमितको संख्या ६० पुगेको छ । सक्रिय कोरोना संक्रमितमध्ये ५० जना होम आइसोलेसनमा र १० जना अस्पतालमा उपचाररत रहेका छन् ।

स्वासथ्य कार्यालय नुवाकोटका अनुसार हालसम्म जिल्लामा झण्डै २८ हजार जनाको पिसिआर परिक्षण गरिएको छ ।