नुवाकोटमा सक्रिय कोरोना संक्रमित ५९ पुग्यो

नुवाकोट । नुवाकोटमा सक्रिय कोरोना संक्रमितको संख्या ५९ पुगेको छ ।

स्वास्थ्य कार्यालय नुवाकोटका अनुसार पछिल्लो २४ घण्टामा जिल्लामा ३ जना कोरोना संक्रमित कोरोनामुत्त भएर घर फर्किएसँगै जिल्लामा कोरोनामुत्त हुनेको संख्या ५९ पुगेको कार्यालयका सुचना अधिकारी उत्तमराज खनालले जानकारी दिए ।

जिल्लामा रहेका सक्रिय कोरोना संक्रमितमध्ये ४४ जना होम आइसोलेसनमा, १४ जना अस्पतालमा र एकजना आइसोलेसन सेन्टरमा उपचाररत रहेको कार्यालयका सुचना अधिकारी खनालले बताए ।

यस्तै पछिल्लो २४ घण्टामा जिल्लामा ३ जना कोरोना संक्रमित थपिएका छन् । थपिएका कोरोना संक्रमितमध्ये ककनी गाउँपालिकाका २ जना र किस्पाङ गाउँपालिकाका एकजना रहेका छन् ।

यससँगै जिल्लामा कोरोना संक्रमितको संख्या ८ हजार एकसय ४५ पुगेको छ । यस्तै जिल्लामा कोरोना संक्रमितको संख्या ८ हजार ४१ पुगेको छ ।

स्वास्थ्य कार्यालय नुवाकोटका अनुसार नुवाकोटमा कोरोना संक्रमणबाट मृत्यु हुनेको संख्या ४८ पुगेको छ । नुवाकोटमा हालसम्म २७ हजार ८ सय ८३ जनाको पिसिआर परिक्षण गरिएको स्वास्थ्य कार्यालय नुवाकोटले जनाएको छ ।