नुवाकोटमा टिपरकाे ठक्करबाट एक जनाको मृत्यु

नुवाकाेट । नुवाकोटको लिखु गाउपालिका वडा नं ५ अमिलबोटमा टिपरको ठक्करबाट एक जनाको मृत्यु भएको छ भने दुई जना घाइते भएका छन ।

शनिबार राति ना ८ ख ५७९१ नम्बरको टिप्परकाे ठक्करबाट रामकुमार गजुरेलको घटनास्थलमै मृत्यु भएको र अन्दुय दुइजना गम्भीर घाइते भएको जिल्ला प्रहरी कार्यालय नुवाकाेटले जनाएकाे छ ।

दुर्घटनामा नमराज रोक्का र प्रकाश पाठक गम्भीर घाइते भएकाे प्रहरीले जनाएकाे छ । घाइतेकाे काठमाडौँको ग्राण्डी अस्पतालमा उपचार भैरहेको प्रहरीले जनाएको छ ।

घटनास्थलमै मृत्यु भएका गजुरेल गत स्थानीय निर्वाचनमा लिखु गाउँपािलका वडा नम्बर ३ मा नेपाली कांग्रेसकाे वडाअध्यक्षकाे प्रत्यासी रहेका थिए ।

घर नजिक सडकमा मोटरसाइकल रोकेर कुराकानी गरिरहेका उनीहरूलाइ टिपरले ठक्कर दिएको स्थानीयले बताएका छन। पिडित पक्षलाई उचित क्षतीपुर्ति र दाेषीलाइ कारवाहीकाे माग गदै स्थानियवासीले सडक अवरूद पारेका छन ।