सन्दीपले बनाए नयाँ कीर्तिमान

नुवाकोट । पपुवा न्यूगिनी (पीएनजी) सँगको खेलमा नेपाली टिमका स्पिनर सन्दीप लामिछानेले महत्वपूर्ण उपलब्धि हासिल गरेका छन् ।

उनले पीएनजीसँगको दोस्रो एकदिवसीय म्याचमा बलिङ प्रदर्शनमा महत्वपूर्ण उपलब्धि हासिल गरेका हुन् । अब सन्दीप विश्व क्रिकेटको एकदिवसीय प्रारूपमा एक म्याचमा उत्कृष्ट बलिङ प्रदर्शन गर्ने १४औँ बलर बनेका छन् ।

पीएनजीसँगको म्याचमा शुक्रबार उनले ५.१ ओभरमा ११ रन दिएर ६ विकेट लिए । वानडे करियरमा उनको यो हालसम्मकै उत्कृष्ट बलिङ प्रदर्शन हो ।

यसअघि सन्दीपले यो प्रारूपमा १७ रन दिएर ६ विकेट लिएका थिए । अब सन्दीपभन्दा अगाडि भारतीय टिमका पूर्वअलराउन्डर स्टअर्ट बिन्नी छन् ।

उनले यो प्रारूपमा सन् २०१४ मा बंगलादृेशविरुद्ध ४ रन दिएर ६ विकेट लिएका थिए । बिन्नीभन्दा पछि भए पनि सन्दीपले भारतीय टिमका महान् बलर अनिल गुम्बलेसहित धेरै खोडीलाईलाई पछि पारेका छन् ।

सन्दीपले कुम्बलेसहित श्रीलंकाका अजन्था मेन्डिस, अष्ट्रेलियाका गैरी गिलमोर, पाकिस्तानका पूर्वकप्तान तथा वर्तमान प्रधानमन्त्री इमरान खान, श्रीलंकाका फरवीज महारूफ, वेष्ट इण्डिजका कोलिन क्रफट, पाकिस्तानका सोयब अख्तर र दक्षिण अफ्रिकाका कागिसो रबाडालाई पछि पारेका हुन् ।

यी ८ बलरले ६ विकेट लिएका भए पनि रन भन सन्दीपको भन्दा बढी खर्चिएका थिए । एकदिवसीय क्रिकेटमा एक इनिङ्समा सबैभन्दा उत्कृष्ट बलिङ गर्ने रेकर्ड भने श्रीलंकाका चमिन्डा भासको नाममा छ । उनले सन् २००१ म जिम्बाब्वेविरुद्ध १९ रन दिएर ८ विकेट लिएका थिए ।

यो सूचीको दोस्रो स्थानमा शाहिद अफ्रिदी, चौथोमा ग्लेन मेकग्राथ पाँचौमा एन्डी बिकेल, छैटौँमा मुथैया मुरलीधरण, सातौँमा टिम साउथी, आठौँमा ट्रेन्ट बोल्ट, नवौँमा वकार यूनिस, दशौँमा आकिव जावेदको नाम आउँछ ।

एक पारीमा सर्वाधिक विकेट लिने सूचीको ११औँमा विन्सटन डेविस र १२औँमा इमरान ताहिर छन् । यी १२ बलरले एक इनिङ्समा ७/७ विकेट लिएका छन् ।

यो सूचीको १३औँमा स्टअर्ट बिन्नी र १४औँ सन्दीप लामिछाने पर्छन् ।

वानडेको एक म्याचमा सर्वाधिक विकेट लिने १६ बलर :