अफगान विमानस्थलमा देखिएको कारुणिक दृश्य

एजेन्सी । विद्रोही समूह तालिवानले सत्ता कब्जा गरेसँगै अफगानिस्तान विमानस्थलमा देश छाड्ने मानिसको घुँइचो लागेको छ ।

आइतबार अफगानी राष्ट्रपति असरफ घानीले देश छाडेसँगै काबुलस्थित राष्ट्रपति भवन कब्जा गरेको तालीवानले विजय हाँसिल गरेको घोषणा गरेको छ ।

तालिवानको कब्जामा परेसँगै अफगानिस्तान छाड्न चाहने नागरिककाे हुलले विमानस्थलनै अस्तव्यस्त बनेको छ । त्यस्तै, अमेरिकासहित पश्चिमा देशहरूले आफ्ना नागरिकको उद्धार गरिरहेका छन् । हाल, सामाजिक सञ्जालमा राखिएको भिडियोले विमानस्थलको कारुणिक दृश्यको बयान गरिरहेको छ ।

मानिसहरु विमानमा चढ्न हानथाप गरिरहेका छन् भने महिलाहरु बच्चासहित विमास्थलतर्फ दौडिरहेको देखिन्छन् ।