रसुवामा १ हजार २ सय २६ जना कोरोना संक्रमित निको भए

रसुवा । रसुवामा १ हजार २ सय २६ जना कोरोना संक्रमित निको भएका छन् ।

जिल्लामा रहेका संक्रमितमध्ये बुधबार २४ जना संक्रमित निको भएसँगै निको हुनेको संख्या १ हजार २ सय २६  पुगेको हो । रसुवामा हालसम्म १ हजार २ सय ६१ जनामा कोरोना पुष्टि भएको थियो । तथ्यांक अनुसार  संक्रमितमध्ये ९७.२२ प्रतिशत निको भएका छन् ।

जिल्लामा हाल ३३ जना सक्रिय कोरोना संक्रमित छन् ।  कोरोनाको दोस्रो लहर सुरु भएसँगै जिल्लामा पनि कोरोना संक्रमित बढेका थिए ।

स्वास्थ्य कार्यालय रसुवाका अनुसार गोसाइँकुण्डमा ६, उत्तरगया ५ र कालिकामा २२ जना रहेका छन् । सबै संक्रमितहरूमध्य ३ जना संस्थागत र ३० होम आइसोलेसनमा बसेका छन् ।

जिल्लामा हालसम्म ४ हजार २ सय ४ वटा स्वाव संकलन गरिएकोमा २ हजार ९ सय ४३  नेगेटिभ र १ हजार २ सय ६१ पोजेटिभ आएको थियो ।