नेकपा एमालेको शिवपुरी गाउँपालिकास्तरीय बैठक सम्पन्न

नुवाकोट । नेकपा एमालेको शिवपुरी गाउँपालिकास्तरीय बैठक विहिबार शेराबगरमा सम्पन्न भएको छ ।

नेकपा एमालेका अध्यक्ष बद्री मैनालीको प्रमुख आतिथ्यतामा भएको बैठकमा पार्टीको आगामी रणनिति र कार्यदिशाबारे छलफल भएको छ । बैठकलाई सम्बोधन गर्दै नेकपा एमाले नुवाकोटका अध्यक्ष बद्री मैनालीले केपी ओली नेतृत्वको सरकारले गरेका राम्रा कामहरु लिएर जनतामाझ जान नेता कार्यकर्ताहरुलाई निर्देशन दिए ।

उनले एमालेको चुनाव चिन्ह सुर्यबाट चुनाव जितेकाहरुले पार्टीलाई घात गरेको भन्दै त्यस्ता व्यक्तिहरुबाट पार्टीलाई जोगाउनुपर्ने बताए ।
फरक प्रसंगमा बोल्दै उनले नेकपा एमालका माधव नेपाल समुहका नुवाकोट अध्यक्ष नारायण प्रसाद खतिवडा एमालेको नेता नै हुन नसक्ने बताए । उनले सुर्य चिन्हबाट चुनाव लडेर प्रतिनिधिसभा सदस्य भएका खतिवडाले कांग्रेस सभापति शेरवहादुर देउवालाई प्रधानमन्त्रीमा सिफारीस गरेर पार्टीप्रति गद्धार गरेको आरोप लगाए ।

नेकपा एमालेले नुवाकोटको विभिन्न स्थानिय तहमा पार्टीको संगठन विस्तारलाई तिव्रता दिएको छ ।