रसुवामा १ हजार १ सय ९ जना कोरोना संक्रमित निको भएर घर फर्किए

रसुवा । रसुवामा १ हजार १ सय ९ जना कोरोना संक्रमित निको भएका छन् ।

जिल्लामा रहेका संक्रमितमध्ये आइतबार २ जना संक्रमित निको भएसँगै निको हुनेको संख्या १ हजार १ सय ९  पुगेको हो । रसुवामा हालसम्म १ हजार १ सय ५७ जनामा कोरोना पुष्टि भएको थियो । तथ्यांक अनुसार  संक्रमितमध्ये ९५.८५ प्रतिशत निको भएका छन् ।

जिल्लामा हाल ४७ जना सक्रिय कोरोना संक्रमित छन् ।  कोरोनाको दोस्रो लहर सुरु भएसँगै जिल्लामा पनि कोरोना संक्रमित बढेका हुन् ।

स्वास्थ्य कार्यालय रसुवाका अनुसार गोसाइँकुण्डमा १, उत्तरगयामा १, कालिकामा ४२ र नौकुण्डमा ३ जना रहेका छन् । सबै संक्रमितहरू होम आइसोलेसनमा बसेका छन् ।

जिल्लामा हालसम्म ३ हजार ८ सय ९३ वटा स्वाव संकलन गरिएकोमा २ हजार ७ सय ३६  नेगेटिभ र १ हजार १ सय ५७ पोजेटिभ आएको थियो ।