नुवाकोटमा थप ५९ जनामा कोरोना पुष्टि

नुवाकोट । नुवाकोटमा आज थप ५९ जनामा कोरोना संक्रमण पुष्टि भएको छ ।

स्वास्थ्य कार्यालय नुवाकोटका अनुसार पछिल्लो २४ घण्टामा ९३ जनाको पिसिआर परिक्षण हुँदा ५९ जनामा कोरोना संक्रमण पुष्टि भएको हो ।

यससँगै जिल्लामा कोरोना संक्रमितको संख्या ५ हजार २ सय पुगेको छ । त्यस्तै जिल्लामा सक्रिय कोरोना संक्रमितको ९ सय १ पुगेको छ ।

आज भेटिएका संक्रमितहरुमा २८ पुरुष र ३१ महिला रहेका छन् । आज भेटिएका संक्रमितहरुमा सबैभन्दा बढी विदुर नगरपालिकाका २४ जना रहेका छन् । त्यस्तै तारकेश्वर गाउँपालिकामा १६ जना संक्रमित रहेका छन् ।

त्यस्तै लिखु गाउँपालिकामा ८ जना, सुर्यगढी गाउँपालिकामा ३ जना, बेलकोटगढी नगरपालिका, तादी गाउँपालिका, किस्पाङ गाउँपालिकामा समान २÷२ जना संक्रमित थपिदा, म्यागङ र पन्चकन्या गाउँपालिकामा एक÷एक जना संक्रमि थपिएका छन् ।

आज एकसय ११ जना कोरोनामुत्त

त्यस्तै आज एकसय ११ जना कोरोनामुत्त भएर घर फर्किएका छन् ।

स्वास्थ्य कार्यालय नुवाकोटका अनुसार पछिल्लो २४ घण्टामा जिल्लाका एकसय ११ जना कोरोनामुत्त भएर घर फर्किएका हुन् । यससँगै नुवाकोटमा कोरोनामुत्त भएर घर फर्कनेको संख्या ४ हजार २ सय ६५ पुगेको छ ।

यस्तै जिल्लामा सक्रिय कोरोना संक्रमितको संख्या ९ सय १ पुगेको छ । सक्रिय संक्रमितमध्ये ८ सय ३१ जना होम आइसोलेसन सेन्टरमा, ३१ जना आइसोलेसन सेन्टरमा र ३८ जना अस्पतालमा उपचाररत रहेको स्वास्थ्य कार्यालय नुवाकोटले जनाकारी दिएको छ ।

नुवाकोटमा कोरोना संक्रमणबाट ३५ जना संक्रमितको मृत्यु भइसकेको छ ।