रसुवामा कोरोनाको सक्रिय संक्रमितको संख्या बढ्यो

रसुवा ।रसुवामा सक्रिय कोरोना संक्रमितको संख्या १ सय ७५ पुगेको छ ।

बिहीबार ७ जना संक्रमित थपिसँगै सक्रिय कोरोना संक्रमितको संख्या १ सय ७५ पुगेको हो । कोरोनाको दोस्रो लहर सुरु भएसँगै जिल्लामा पनि कोरोना संक्रमित बढेका हुन् ।

स्वास्थ्य कार्यालय रसुवाका अनुसार गोसाइँकुण्डमा २४, कालिकामा ७७, उत्तरगयामा ४, आमाछोदिङ्‍मोमा १२ र नौकुण्डमा ५८ जना रहेका छन् । संक्रमितहरूमध्ये ४ जना संस्थागत र १ सय ७१ जना होम आइसोलेसनमा बसेका छन् ।

रसुवामा हालसम्म ५ सय ६३ जनामा कोरोना पुष्टि भएको थियो । जसमा ४ सय ४१ जना निको भएका छन् । जिल्लामा हालसम्म २ हजार ३ सय ८९ वटा स्वाव संकलन गरिएकोमा १ हजार ८ सय ९ नेगेटिभ र ५ सय ६३ पोजेटिभ आएको थियो ।