नुवाकोटमा कोरोनाले भयावह रुप लिँदै

नुवाकोट । नुवाकोटमा कोरोनाको दोस्रो लहरले भयावह रुप लिन थालेको छ ।

कोरोनाको दोस्रो लहर जिल्लामा देखिन थालेसँगै जिल्लामा दिनप्रतिदिन संक्रमितको संख्या दोस्रो अंकमा बढ्न थालेको छ ।

पछिल्लो २४ घढटामा मात्रै जिल्लामा ८० जना कोरोना संक्रमित थपिएका छन् । यस्तै त्रिशुली अस्पतालमा आज गरिएको पिसिआर परिक्षणमा ८६ जनामा कोरोना संक्रमण पुष्टि भएको छ ।

अस्पतालले ९४ जनाको पिसिआर परिक्षण गर्दा ८६ जनामा कोरोना संक्रमण पुष्टि भएको जनाएको छ । त्रिशुली अस्पतालका अनुसार संक्रमितमध्ये ३५ जना नुवाकोटका, ३६ जना रसुवाको र १५ जना धादिङका रहेका छन् ।

पछिल्लो समय नुवाकोटमा दैनिक तीनदर्जनभन्दा बढी कोरोना संक्रमित भेटिपनि सुरक्षा सावधानी अपनाउन नसक्दा समस्या देखिएको सरोकारवालाहरु बताउँछन् ।