त्रिशुली अस्पतालमा एकैदिन भेटिए एकसय ३७ जना कोरोना संक्रमित

नुवाकोट । नुवाकोटको त्रिशुली अस्पतालमा एकैदिन एकसय ३७ जना कोरोना संक्रमित भेटिएका छन् ।

आज (शनिवार) त्रिशुली अस्पतालमा एकसय ६६ जनाको पिसिआर परिक्षण गर्दा एकसय ३७ जनामा कोरोना संकमण देखिएको त्रिशुली अस्पतालले जनाएको छ ।

अस्पतालका अनुसार आज भेटिएका संक्रमितहरुमध्ये एकसय ६ जना धादिङका र ३१ जना नुवाकोटका रहेका छन् ।

आज नुवाकोटमा देखिएको नयाँ संक्रमित ३१ सहित नुवाकोटमा सक्रिय कोरोना संक्रमितको संख्या १ सय ९९ पुगेको छ ।

नेपाल सरकारको २०७८ वैशाख ८ गतेको मन्त्रिपरिषदको बैठकले संक्रामक रोग ऐन २०२० अन्ुसार २ सयभन्दा बढी सक्रिय कोरोना संक्रमित भएमा स्थानिय प्रशासनले निषेधाज्ञा आदेश गर्न सक्ने प्रावधान छ ।

नुवाकोटमा सक्रिय कोरोना संक्रमितको संख्या एकसय ९९ पुगेसँगै नुवाकोट प्रशासनले एक दुई दिनभित्र लकडाउनको घोषणा गर्ने बताइएको छ ।