बगमती प्रदेशको मन्त्रिपरिषद् पुनर्गठन,नुवाकोटका केशव पाण्डे मन्त्रि बन्दै

नुवाकोट । मुख्यमन्त्री डोरमणि पौडेलले बागमती प्रदेशको मन्त्रिवपरिषद् पुनर्गठन गरेका छन् ।

उनले ११ सदस्यीय मन्त्रिपरिषद् गठन गरेको स्रोतले जानकारी दिएको छ । मन्त्री बन्नेमा नेकपा बाग्मति प्रदेशका प्रमुख सचेतक केशवराज पाण्डे, सरेश नेपाल, चन्द्र लामा र सरस्वती बस्नेत रहेका छन् । पाण्डे नुवाकोट, नेपाल सिन्धुपाल्चोक, लामा काभ्रे र बस्नेत दोलखाका रहेका छन् ।

राज्यमन्त्रीमा डा. रामकुमार अधिकारी, प्रदीप कटुवाल, जुनेली श्रेष्ठ लगायत रहेका छन् । अधिकारी धादिङ, कटुवाल सिन्धुली र श्रेष्ठ काठमाडौँको रहेका छन् । तीन वर्ष पुगेका सबै मन्त्राीलाइ मन्त्रिपरिषद्बाट विदा दिने निर्णय भएको स्रोतले जनाएको छ ।

स्रोतका अनुसार दिउँसो ४ बजे प्रदेश प्रमुख विष्णुप्रसाद प्रसाइले नविनयुक्त मन्त्रीहरूको सपथ गराउनुहुनेछ । मुख्यमन्त्री तथा मन्त्रिपरिषद्को कार्यालयले मन्त्री र राज्यमन्त्रीमा नियुक्त सबैलाइ बिहान १० बजे नै हेटौँडा बोलाएको छ ।