विदुर नगरपालिका क्वाटरफाइनल प्रवेश

नुवाकोट । विदुर नगरपालिका नुवाकोटमा जारी शिवपुरी अध्यक्ष गोल्डकप फुटबल प्रतियोगिताको क्वाटरफाइनलमा प्रवेश गरेको छ ।

शुक्रबार भएको दोस्रो खेलमा तादी गाउँपालिकालाई ५–० गोलको फराकिलो अन्तरले पराजित गर्दे विदुर नगरपालिका समुह विजेता बन्दै क्वाटरफाइनल प्रवेश गरेको हो । खेलमा विदुर नगरपालिकाका आकाश रानामगरले ह्याट्रिक गरे । उनले खेलको १२ औं, ३० औं र ५० औं मिनेटमा गोल गरेका थिए ।

त्यस्तै विदुर नगरपालिकाका लागि साहिल नगरकोटीले दुई गोल गरे । उनले खेलको २७ र ३१ औं मिनेटमा गोल गरेका थिए । खेलमा विदुर नगरपालिकाको तर्फबाट ह्याट्रिक गरेका आकाश रानामगर म्यान अफ द म्याच घोषित भए ।

यस्तै शुक्रबार नै भएको दोस्रो खेलमा ककनी गाउँपालिका र तारकेश्वर गाउँपालिकाले २÷२ गोलको बराबरी खेलेका छन् । ककनी गाउँपालिकाले पहिलो हाफमा २ गोलको अग्रता लिएपनि त्यसलाई जोगाउन नसक्दा बरावरीमा रोकिनुपरेको हो ।

ककनीको लागि खेलको ७ औं मिनेटमा विश्वास तामाङ र २९ औं मिनेटमा सुशिल तामाङले गोल गरेका थिए ।

तर दोस्रो हाफमा उत्कृष्ट प्रदर्शन गरेको तारकेश्वरले २ गोल फर्कायो । तारकेश्वरले २ मिनेटमा २ गोल गरेको थियो । रोशन लामाले ५१ औं मिनेटमा र ५२ औं मिनेटमा शिरिष तामाङले गोल गरे । बराबरीपछि तारकेश्वर र ककनीले एक÷एक अंक बाँडेका छन् । ककनी गाउँपालिकाका अशिम लामा म्यान अफ द म्याच घोषित भए ।

प्रतियोगिता अन्र्तगत शनिवार पनि तीन खेल हुनेछन् ।