शिवपुरी गाउँपालिकाको विजयी शुरुवात

नुवाकोट । नुवाकोटको शिवपुरी गाउँपालिकाको सुनखानीमा बुधवारदेखि शुरु भएको अन्तरपालिका स्तरीय शिवपुरी अध्यक्ष गोल्डकप फुटबल प्रतियोगिताको उद्घाटन खेलमा घरेलु टोलीले विजयी शुरुवात गरेको छ ।

शिवपुरी गाउँपालिकाको आयोजनामा आज भएको उद्घाटन खेलमा घरेलु टोली शिवपुरी गाउँपालिकाले दुप्चेश्वर गाउँपालिकालाई ४—० गोल अन्तले पराजित गर्दै सुखद शुरुवात गरेको हो । समुह ए मा रहेको शिवपरुीले जितसँगै ३ अंक हात पारेको छ ।

लिगकम नकआउट आधारमा भएको प्रतियोगितामा विजेता टोलीले नगद ६ लाख र ट्रफी पाउनेछन् भने दोस्रो र तेस्रो हुनेले ट्रफीका साथमा नगद क्रमश ४ लाख र २ लाख पाउनेछन् । १२ टोली सहभागि भएको प्रतियोगिता आगामी २५ गतेसम्म संचालन हुने छ ।

प्रतियोगिता अन्र्तगत बिहिवार तीन खेल हुनेछन् । पहिलो खेलमा विदुर नगरपालिकाले किस्पाङ गाउँपालिकाको सामाना गर्नेछ भने दोस्रो खेलमा बेलकोटगढी नगरपालिकाले सलखु गाउँपालिकासँग प्रतिष्पर्धा गर्नेछ । यस्तै तेस्रो खेलमा ककनी गाउँपालिकाले सुर्यगढी गाउँपालिकासँग भिड्ने छ ।