नुवाकोटमा सामाजवादी र राजपाको समायोजन

विदुर खबर २०७७ माघ २९ गते ९:३०

नुवाकोट । नुवाकोटमा समाजवादी र राष्ट्रिय जनता पाटीवीच समायोजन भएको छ ।

बुधवार पार्टी कार्यालय विदुरमा एक कार्यक्रमको आयोजना गरि समाजवादी पार्टी र राष्ट्रिय जनता पाटीवीच समायोजन भएको हो । समायोजनपछि पार्टीको नाम जनता समाजवादी पार्टी राखिएको छ । पार्टी समायोजन कार्यक्रममा बोल्दै जनता समाजवादी पार्टीेका केन्द्रिय सदस्य डा.भिमलाल तामाङले अहिले देशमा विषय परिस्थिति देखिएको भन्दै जनप्रेमि र लोत्रतन्त्रवादी पक्षधरहरु एकजुट भएर अगाडी बढ्नुपर्ने बताए । उनले सरकारले असंवैधानिक कदममार्फत संसद विघटन गरेकोले त्यसको विरोध गर्नुपर्ने बताए ।

पार्टी समायोजन कार्यक्रममा सुर्यगढी गाउँपालिका वडा नम्बर ३ का समाजसेवी तथा नेकपा सदस्य मंगलबहादुर तामाङ नेकपा परित्याग गरि जनता समाजवादी पार्टी प्रवेश गरेको जनता समाजबादी पार्टीका केन्द्रिय परिषद सदस्य राजन वमले जनाकारी दिए ।