नेपाल रेडक्रम सोसाइटी नुवाकोटको ३२ औं जिल्लासभा सम्पन्न

नुवाकोट । नेपाल रेडक्रम सोसाइटी नुवाकोटको ३२ औं जिल्ला सभा सम्पन्न भएको छ ।

शुक्रवार विदुरमा एक कार्यक्रमको आयोजना गरि नेपाल रेडक्रस सोसाइटी जिल्ला शाखा नुवाकोटको ३२ औं जिल्लासभा सम्पन्न भएको हो । साधारणसभालाई सम्बोधन गर्दै प्रमुख जिल्ला अधिकारी झंकनाथ ढकालले बिपतको समयमा रेडक्रसले देखाएको तत्परता र सहयोग आगामी दिनमा पनि अझै प्रभावकारी रूपमा लाग्न्पर्ने बताए । यस्तै कार्यक्रममा बोल्दै नेपाल रेडक्रम सोसाइटीका केन्द्रिय सदस्य विष्णु नेपालले काठमाण्डौ उपत्यकामा रगतको चरम अभाव रहेको भन्दै गाउँगाउँमा पुगेर रत्तदान कार्यक्रमा आयोजना गर्न नेपाल रेडक्रम सोसाइटी नुवाकोटलाई आग्रह गरे ।

कार्यक्रममा रक्त सञ्चार भवन निर्माणको लागि सहयोग गर्ने त्रिशुली अस्पतालका डाक्टर मधुकर दाहाल र जिल्ला लगायत राजधानीमा समेत रगतको अभाव हुन नदिन सहजिकरण गर्ने मछिन्द्र नरसिंह प्याकुरेल, यस्तै रक्तसंचार केन्द्रलाई रगत अभावको समयमा रक्तदान गर्ने व्यक्तिहरुलाई सम्मान गरिएको थियो ।

कार्यक्रममा पञ्चकन्या रेडक्रस उपशाखाले गरेको कामको आधारमा उत्कृट घोषण गरिएको छ । यस्तै उत्कृष्ट जुनियर रेडक्रस सर्कलमा पृथ्वी माध्यमिक विद्यालय र उत्कृष्ट स्वयम्सेवकमा भेषबहादुर पाण्डेलाई क्रमशः ५ हजार, ४ हजार र ३ हजार नगद सहित सम्मान गरिएको मन्त्री हरी श्रेष्ठले बताए ।

हाल नुवाकोटमा रेडक्रसका २२ वटा उपशाखा, विद्यालय स्तरमा गठन भएका ६५ जुनियर युवा रेडक्रस सर्कल र दुईवटा युवा रेडक्रस सर्कल सञ्चालनमा रहेका छन ।